Som tidlegare sagt har eg budd meg på advent. Ein gamal, grå duk og to panelgardiner frå posesalg på Europris har fått nytt liv som 2 løparar og 2 putetrekk:
Dette skal ikkje fram før sundag om 14 dagar. Eg gler meg vilt!
Eg har forresten gløymd å blogga alpelua er har strikka meg, og ikkje har eg teke bilete heller, men eg har ho på meg her:
Oppskrift frå Allers sitt julehefte.
Mannen er ute på tur, og sjølv tuslar eg mellom symaskina og datamaskina. Eg bur meg på advent! Resultatet får de truleg sjå i kveld. Fyrst må mannen koma att med fotoapparatet. 
Mari ga meg forresten eit lite spark bak då ho blogga juleboka si. Mamma hadde ei slik, men for meg har det vorte med tanken heilt til no. Julebok er kjøpt inn, og eg har allereie byrja å skriva i ho.
I dag fekk eg det for meg at eg skulle rydde bestikkskuffa på kjøkkenet. Og plutseleg hadde eg tømt, rydda og vaska alle 12 skuffene, gryteskapet og skapet med kopphanddukar og tuer. Det er ikkje så lenge til jul, vel? Det vert iallfall ikkje gjort fleire gongar før jul i år, men no veit eg iallfall stort sett kva eg har, og det er ein fordel med tanke på julebaksten òg.
(Og vess du lurar; eg gler meg til jul. Masse!)
Lasse har publisert eit innlegg der han spekulerer på om vi i Noreg eigentleg ikkje vil ha jul. Bakgrunnen for dette er at han synast mange kastar ut jula (og skryt av det i bloggane sine) tidlegare og tidlegare for kvart år. Om eg kjenner meg treft av innlegget? Definitivt! Eg kasta jo ut juletreet allereie 2. januar(tidlegare enn eg vanlegvis gjer på grunn av at det dryssa mykje), og resten av julepynten den sjette.
Er det då slik at eg ikkje vil ha jul? Slett ikkje! Eg elskar julehøgtida, med vekt på nettopp høgtida. Når høgtidsdagane er over, og andre òg har byrja på arbeid og skule att (sjølv arbeidde eg jo både julaftan og i mellomjula), kjenner eg meg ferdig med jula. Då er det godt å “få lov” til å pakka ned det gamle og ta fram andre ting. Kanhenda har det òg ein samanheng med at eit nytt år har byrja, og at det då er litt godt å “byrja på nytt”? Det tyder nemleg ikkje at det er slutt på familiekos og trivsel, det finn framleis stad hjå oss sjølv utan julepynt!
Når ungane har knust pepparkakehuset og vi har feira dei to bursdagane med familien, er jula for min del over. Då ryddar og vaskar eg, og koser meg med kjensla av å starta på eit nytt år med blanke ark.
For dei som framleis feirar jul; framleis god jul, og til dei som har rydda vekk julepynten; kos dykk i “nytt” hus! 
Å vere på arbeid på julaftan var faktisk ganske koseleg. Og då eg kom heim vart det pakkeåpning. Vi fekk masse flotte gåver (takk til alle!), mellom anna fekk vi byrja på samlinga vår av Flora-serviset til Jon Østeng Hov. Vi har no krus ogfat nr. 7, 14 og 15. Vi fekk 2 stk av nummer 14, så ein av desse blir bytta.
Denne gåva fekk eg av Frøydis på jobb, og var definitivt den søtaste(!):
Boksane inneheld riskrem og raud saus. Det er ingen løyndom at det er favorittdesserten min, og på arbeid var det moltekrem til dessert, så eg vart kjempeglad over at jula vart redda av ein god kollega.
Hunden fekk òg julegåve som han opna heilt sjølv:
Fyrste juledag vart det (tradisjonen tru) stoooor frukost/lunch/middag:
Definitivt nok mat til tre personar!
Og litt seinare på ettermiddagen vart det tur i vakkert, men langt frå vinterleg, ver:
Ha ei fortsatt fin jul alle saman!
Klokka er snart eitt på julaften, på TV syner dei “Reisen til julestjernen”, og her sit eg og skal på arbeid om omlag to timar. Tre av ungane drog til sine respektive foreldre i går, og for litt sidan køyrde Tor Inge og Hulda til venninna mi Anita for å feira kvelden i lag med ho og ungane.
Eg gler meg til eg er ferdig på jobb i kveld, for under treet ligg gåver som vi skal opna når eg kjem heim og dei andre to kjem frå Mære.
Ha ein flott julekveld alle saman!
Det har vorte lite blogging desse dagane. Denne veka er den veka i turnusen min eg arbeider mest, og det passar eigentleg dårleg siste veke før jul … Likevel rekk eg litt anna òg; i går var eg på julelunch på jobben, og i dag har eg endeleg vore ein tur til frisøren att. Snakk om luksus! Der sat eg med hovudet fullt av hårfarge og drakk kaffi og las vekeblad medan resten av verda stressa rundt på utsida… Trur eg vil ha frisørtime så nært jul neste år òg.
I går var den store sendedagen for oss som må sende gåver rundt i landet. Men kva gjer du når du får så mykje tomrom i eska som dette:
Jo, du prisar deg lykkeleg for at mottakarane har sagt at dei gjerne vil arve kle, og fyller opp tomrommet med noko av dette:
Håpar mottakarane ikkje synast det er for mykje styr å motta slikt midt i julestria.
Hemmeleg ven-gåve vart òg sendt i går. Gler meg til å sjå kva min hemmelege ven synast om pakka ho får!
I dag har vi vore i barnehagen til Luciafeiring. Verdas finaste stjernegut er han som ser rett i kamera her:
Vi fekk gløgg, pepparnøtter og lussekatter, og det var rett så triveleg!
We’ve been celebrating St. Lucy’s day in kindergarden. My son is the one that stares straight in the camera in the first picture.
Wonder what St. Lucy’s day is? Read the wikipedia explanation.
Hege has translated the song the children sing when they come dressed in white with candles. You can find it here. Thanks Hege, great job!
Denne helga feira vi Linn-T. sin bursdag på laurdag, med kaker,is og brus og masse gjestar. Kjempehyggeleg!
Sundag var vi på “Jul igjen” på Stiklestad, der vi skulle møte bror Ketil med familie, men lagnaden var visst ikkje på vår side denne gongen. Vi venta og venta og venta på telefon frå Ketil, men neidå. Til sist sendte eg ei melding og fekk svar. Det viste seg at Ketil hadde ringt og ringt og ringt SEKS gongar, men diverre hadde han ringt til hustelefonen vår. Sukk!!! Trur dette vart like trist for oss alle, men kanskje er vi heldigare neste år? Då trur eg vi skal avtala eit “treffpunkt” og eit klokkeslett, slik at vi slepp misforståingar. Men likevel; det vart ein fin dag på Stiklestad. Stemningsfullt og vakkert. (Men fotoapparatet låg att heime!)