Tankar ved eit tastatur

Lang reise

minica — Mon, 30 Jun 2008 20:33:16 +0000

Heimturen til dei store ungane vart slitsam i dag. Då dei nesten var heime måtte dei over i buss for dinest å hoppa på toget att grunna (nok eit) sprengingsuhell.

Det var godt å sjå dei att, og merkeleg å tenkje på at dei verkeleg er så store at dei kan ta ein slik tur åleine.

Syndefloden?

minica — Mon, 30 Jun 2008 20:26:26 +0000

Så ille regna det faktisk her i dag! Og det tora og lyna på toppen av det heile. Usj!

Even hadde forresten forklaringa på kvifor dette uveret var over oss; ein gut i barnehagen hadde nemleg sagt at gud var dum …

På tide å byggje ein ark då, kanskje?

Mors nye leike

minica — Fri, 27 Jun 2008 08:55:56 +0000

Skattepengane har kome, og då er det om å gjere å bruka dei snarast råd … Eller, heilt slik var det ikkje. Sanninga er at vi er så svineheldige å ha eit digitalt speilreflekskamera, men dette kameraet er for stort til å dra med seg på turar, og difor vert det ofte få “tur-bilete” på oss. Difor har eg lenge sikla etter eit kompaktkamera. Passeleg lite, helst slik at det kan bu permanent i veska, og i går vart dette med meg heim:

Det er faktisk så lekkert som biletet på eska viser. Samstundes er det såpass tungt at det virkar solid. Eg såg og kjende på mange kamera før valet fall på dette. Det har mange herlege funksjonar, og tek knakande gode, skarpe bilete.

For å gje eit døme:

Ser du flua på dette biletet?

Ho sit på sofaen, heilt til venstre i biletet.

Med beskjæring og forstørring gjort berre ved hjelp av kameraet, ser du flua betre:

Fantastisk, spør du meg!

Kameraet har 3xoptisk zoom og biletestabilisator. Og no skal eg ut og knipsa! (PS: Snille Elkjøp-mannen (det er eigentleg berre ein som er verdt å handla med på Elkjøp Levanger, men han er til gjengjeld såpass dyktig at han gjer opp for mange av dei andre som arbeider der) sendte med meg ei Samsonite bæreveske til kameraet, så no ligg det trygt og beskytta i veska)

Store ungar

minica — Thu, 26 Jun 2008 09:34:55 +0000

Tre store ungar reiste med toget i dag. Hulda (9), Linn-Therese (11 til hausten) og Thomas (13) tek toget frå Verdal til Mo i Rana heilt åleine! På Mo skal dei møta tante Ingvild som skal følgja dei heilt fram til Lovund, og så skal dei vere der til måndag før det vert same tur attende.

Eg trur faktisk at eg hadde meir reisefeber enn ungane, og det var veldig rart å stå på perrongen og sjå toget forsvinna …

Kvardagstrøyst

minica — Mon, 23 Jun 2008 18:58:16 +0000

I ein av “roteboksane” på kjøkkenet mitt ligg det fire lappar. Dei er frå eit gruppearbeid på sjukepleiarskulen. Vi var 5 på gruppa, og oppgåva gjekk ut på å ta for oss kvart enkelt gruppemedlem og seie noko positivt om denne personen. Spennande og interessant å trekke ut det mest positive med ein medstudent, og ekkelt når det var din tur til å høyre kva dei andre meinte om deg …

I dag har eg hatt ein hyggeleg dag på arbeid, men eg mislykkast med ein bestemt ting, så eg vart litt deppa. Slike gongar er det godt å ta fram lappane mine der det står at eg er mellom anna omsorgsfull, reflektert, engasjert og positiv.

Slike lappar burde alle ha lett tilgjengeleg. Fordi du fortener det …

For å skrive om noko anna enn

minica — Mon, 23 Jun 2008 16:36:27 +0000

vesker, så ikkje Betty trur det har rabla heilt for meg, ville eg berre visa dykk nokre glimt frå hytteturen vi var på i helga.

Vi leigde idylliske Lustadstua i Ogndal i Steinkjer frå fredag til sundag. Her er det ikkje innlagt vatn, og straumen solcellepanelet genererer er eigentleg ikkje meir enn til det absolutt naudsynte. Ordentleg hytte, med andre ord: Vatn smakar nydeleg frå ei slik ause. Bringer fram barndomsminne i fleng! Vatnet varmast på omnen.

Tor Inge og jentungene er ute og fiskar på laurdagsmorgonen, før frukost!

Noko av fangsten, i alt fekk me 22 aurer. Den største var ca eit halvt kilo!

Laurdag fekk me besøk av Redningsmannen (les: Besten / Oddvar) med gåver. De skjønar, eg hadde jo pakka ned kaffi, meeeen det var kanhenda ikkje så smart å pakka med filterkaffi? Men kaffien smakte jo enno betre når eg måtte venta ei stund på han. Dessutan smakar kokekaffi kjempegodt på tur!

Andre glimt frå helga:

Stooor veske

minica — Fri, 20 Jun 2008 15:39:03 +0000

Eg måtte berre ha meg ei stor veske, og då eg ikkje fann den eg skulle ha på Verdalsmartna’n, så tok eg sak(s)a i eiga hand og sydde:

Veska er som sagt stor, og ho rommer det meste, både lesestoff og strikketøy. I tillegg har ho regulerbar reim, så eg kan bera ho på skrå over brystet viss eg vil. Reimene vart gjort regulerbare ved hjelp av knapphol:

Og slik ser ho ut i bruk:

Flower power

minica — Fri, 13 Jun 2008 10:00:02 +0000

Eg fekk pengar i bursdagsgåve frå både pappa og Synnøve og Oddvar, og alle meinte eg kunne kjøpa noko til meg sjølv. Resultatet vart at eg nesten ikkje vågar bruka pengane, for eg veit ikkje heilt sikkert kva eg vil ha. Men iallfall, litt pengar brukte eg på jysk her om dagen til stoff, og stoffet vart i dag nytta i dette vendbare bærenettet med lomme:

Framleis er eg ikkje heilt trygg på korleis eg skal gjere alt, men eg fekk òg gåvehjelp på det punktet, for frå Ellen, Lasse og ungane fekk eg ei bok om korleis ein kan sy vesker sjølv.

Hanken er kanhenda litt kort, får sjå om eg skal laga lenger hank viss eg skal laga fleire.

The game

minica — Wed, 11 Jun 2008 20:00:05 +0000

I found the game over at Green Jello,and I loved it!

Here goes:

a. Type your answer to each of the questions below into Flickr Search.
b. Using only the first page, pick an image.
c. Copy and paste each of the URLs for the images into fd’s mosaic maker).

There’s a group you can add it to, as well.

The Questions:

1. What is your first name?
2. What is your favorite food?
3. What high school did you go to?
4. What is your favorite color?
5. Who is your celebrity crush?
6. Favorite drink?
7. Dream vacation?
8. Favorite dessert?
9. What you want to be when you grow up?
10. What do you love most in life?
11. One Word to describe you.
12. Your flickr name. (kid version: favorite animal?)

1. YO por Monica Barreneche 2. DSC_1403.jpg 3. Vintermyra 4. Seeing…double? 5. Paul Ottar Haga 6. Julebrus 7. Öxarárfoss in Iceland - Aurora Borealis 8. Riskrem 9. Yearning for Spring 10. ..call it a tribe, call it a family.. 11. Perspective Matters 12. MITSUBISHI ‘Minica’ ‘Town Bee’

Hemmeleg ven!

minica — Tue, 10 Jun 2008 16:24:09 +0000

Postmannen tuta utanfor her i dag, og dette var årsaka:

Han hadde med ei STOR pakke til meg frå “Hemmelig venn, Sandnes”. (Siste omgang i 2007-2008-omgangen med Hemmeleg ven på Hobbyforum) Det er ikkje berre ei pakke, men to som heng saman:

Eg reiv opp papiret, og i den fyrste pakka var dette:

Så MASSE i pakka! Det svarte er ein sekk/veske som passa meg perfekt, og i tillegg var det korsstingsbroderi, cd, utruleg lekre smykker, tøflar, lypsyl, refleksband og kort!!! Og enno hadde eg ei pakke att:

Sjå alt dette garnet! Di to øverste nøsta er Chiri alpakka og dei 9(!) andre er Naturgarn no 1. Eg har aldri vore borti nokre av desse, så det vert spennande. Chiri er suuuupermjukt, og må nok bli eitt eller anna kosehalsplagg til med sjølv trur eg. Kooooose!

Tenk å få SÅ masse på ein heilt vanleg tysdag! Og eg har ikkje peiling på kven min velgjerar er … Det einaste er at eg tenkjer helsesektoren pga reklamen på lypsylen og refleksbandet. Den lypsylen er forresten fantastisk god. Eg fekk ein slik på eit kurs ein gong, og vart kjempe lei meg då eg mista den. (Kløne!)

Tusen tusen takk, min hemmelege ven!